Месяц: Октябрь 2023

Бо мақсади дастгирӣ ва ҳавасмандгардонии моддӣ-маънавии омӯзгороне, ки шогирдонашон дар олимпиадаҳои ҷумҳуриявӣ ба ҷойҳои ифтихорӣ ва мураббиёне, ки озмунҳои шаҳрӣ дастпарваронашон ғолиб гардидаанд, инчунин, тарғиби таҷрибаи босамари омӯзгорӣ, баланд бардоштани мақоми омӯзгор дар ҷомеа бахшида ба таҷлили Рӯзи омӯзгорон бо қарори Раиси шаҳри Душанбе аз 3-юми октябри соли 2023, №521 ба 124 нафар мураббиёну омӯзгорон мукофоти пулӣ дар ҳаҷми 3000 сомонӣ ба ҳар як нафар тақдим карда шуд. ...

Бо мақсади дарёфт ва рушди хонандагони болаёқат, ташаккули тафаккури мантиқӣ ва инкишофи зеҳнии онҳо, баланд бардоштани ҳаваси хонандагон ба омӯзиши фанҳои таълимӣ, инчунин, ҷиҳати татбиқи бандҳои нақша-чорабиниҳои Қарори Раиси шаҳри Душанбе аз 24-уми майи соли 2021, таҳти рақами 294 дар бораи "Барномаи давлатии дарёфт ва рушди истеъдодҳо дар муассисаҳои таълимии шаҳри Душанбе барои солҳои 2021-2025" ва дар асоси Низомномаи олимпиадаи фаннии хонандагони муассисаҳои таҳсилоти умумӣ аз 4-ум то 14-уми октябри соли 2023 дар "Литсейи инноватсионии Душанбе"- и назди ДТТ олимпиадаи дохилилитсейи даври якум аз рӯйи фанҳои зерин ташкил ва гузаронида шуд: забон ва адабиёти тоҷик, синфҳои ибтидоӣ (забони модарӣ), забони давлатӣ, забони русӣ, асосҳои давлат ва ҳуқуқ, ҳуқуқи инсон, забони англисӣ, таърихи халқи тоҷик, география, химия, биология, синфҳои ибтидоӣ (математика), математика ва физика. ...

Рӯзи 8-уми сентябр дар муассисаи давлатии таълимии "Литсейи инноватсионии Душанбе" бахшида ба 32-юмин солгарди Истиқлолияти Ҷумҳурии Тоҷикистон маросими ҷоизасупорӣ ба омӯзгорон ва хонандагони Литсей ботантана гузаронидан шуд. Аз ҷумла, ба Нуридинова Фотима,, Ғафорова Осия, Акбарзода Абумусаям ва Фирдавсов Фирдавс барои ишғоли ҷойҳои намоён дар даври шаҳрии озмуни ҷумҳуриявии "Фурӯғи субҳи доноӣ китоб аст" бо мукофотҳо сарфароз гардонида шуданд. Инчунин, хонандагоне, ки дар олимпиадаҳои ҷумҳуриявӣ ва байналмилалӣ сазовори ҷойҳои намоён гардидаанд, бо Ифтихорнома ва мукофот аз тарафи Литсей сарфароз гардонида шуданд. ...

Омӯзгори фанни физикаи муассисаи давлатии “Литсейи инноватсионии Душанбе”-и назди Донишгоҳи технологии Тоҷикистон Балаҷонзода Сулаймонҷони Додарҷон дар арафаи ҷашни 32-юмин солгарди Истиқлолияти Ҷумҳурии Тоҷикистон барои дастовардҳо дар самти фанҳои табиатшиносӣ, дақиқ ва риёзӣ ба Ҷоизаи давлатии Ҷумҳурии Тоҷикистон барои олимону омӯзгорони фанҳои табиатшиносӣ, дақиқ ва риёзӣ сарфароз гардонида шуд. Омӯзгор Балаҷонзода Сулаймон барои тайёр намудани шогирдони болаёқат ва ширкати фаъоли онҳо дар озмуни “Илм-фурӯғи маърифат” саҳми арзанда дорад. Шогирдони устод бо ҷойҳои намоён сарфароз гардидаанд. Маъмурият ва кормандони муассисаи давлатии таълимии “Литсейи инноватсионии Душанбе”–назди Донишгоҳи технологии Тоҷикистон омӯзгори ҷавон Балаҷонзода Сулаймонҷонро самимона табрик гуфта, барояшон бурдбориҳои беандозаро таманно доранд. Илмат ба амал чу ёр гардад, Қадри ту яке ҳазор гардад. ...