Вохӯрии намояндаи раёсати муқовимат бо коррупсия бо омӯзгорони Литсей
Рӯзи 9-уми декабр сарнозири раёсати муқовимат бо коррупсия АНДМ ва МКҶТ подполковники адлия Розиқзода Алихони Абдулҳаким ба муассисаи давлатии таълимии “Литсейи инноватсионии Душанбе”–и назди ДТТ ташриф оварда, бо омӯзгорони Литсей дар бораи “Коррупсия–вабои аср” суҳбат намуданд. Аз ҷумла, эшон қайд намуданд, ки мубориза бар зидди коррупсия дар сиёсати давлатии Ҷумҳурии Тоҷикистон ҳамеша яке аз масъалаҳои асосӣ буда, муқовимат ва пешгирии омилҳои ба он мусоидаткунанда сол ба сол ҷиддитар мешавад. Ин дар ҳолест, ки кишвари мо аз рӯзҳои нахустини ба даст овардани Истиқлолияти давлатӣ мубориза бо коррупсияро ҳамчун самти афзалиятноки сиёсати давлатӣ қарор дода, ба ташаккули заминаҳои ҳуқуқиву сохторӣ ва таҳкими ҳамкориҳои байналмилалӣ дар ин самт оғоз намуд ва ҳар яки мо уҳдадорем, ки дар коҳиши назарраси ин падидаи номатлуб саҳми худро бигузорем.
...